“Populli ka sy në badhë… këto janë maskaradhëqe, ndryshemet…”, këto janë vetëm disa nga ato pak rreshta që kandidati i Ramës për Bashkinë e Kavajës ka postuar në adresën e tij në Facebook. Nga këto pak rreshta mund të kuptosh se çfarë kandidatësh përzgjedh Rama jo vetëm për Kavajën. Injorantë është më e pakta që mund të thuhet për të tillë individë. Imagjino nesër këto individë duke drejtuar një qytet. Ky është fundi i pamendueshëm i degradimit të sistemit të konkurrimit, ku kryetari i PS Rama pasi kalon ciklin e kandidimit të vrasësve, tutorëve të prostitutave dhe të trafikantëve të drogës, tani po eksploron edhe një fushë tjetër, atë të kandidimit të individëve që nuk dinë as shkrim dhe as këndim.
A mund të votohet ky njeri për Kavajën? Si mundet një individ që sot qeveris vendin dhe është në fushatë elektorale për të kërkuar një mandat tjetër t’u japë qytetarëve të tillë analfabetë? Dorjan Murati është në të vërtetë fytyra e vërtetë e Ramës. Injoranca është fytyra e këtij pushteti, i cili duhet që të shkulet më 25 qershor nga Kavaja në të gjithë Shqipërinë.
Kandidimi i njerëzve të tillë do të ishte fundi, por fundi i këtij fundi do të ishte sikur analfabetë të tillë të votoheshin në shenjë besnikërie ndaj partisë apo kryetarit të qeverisë.
Kandidati i PS për Bashkinë e Kavajës, Dorjan Murati, u sulmua nga ndjekës të tij të shumtë në Facebook pas publikimit të një statusi. Shkak nuk ishte përmbajtja, por drejtshkrimi.
Ndjekësit nxituan ta korrigjojnë në faqen “Drejtimi i Duhur për Kavajën”, pasi panë një mori gabimesh drejtshkrimore. Shumë prej tyre e quajtën analfabet e injorant, që as nuk skuqet nga analfabetizmi i tij. “Jepi drejtimin e duhur vetes dhe fillo të mësosh të shkruash gjuhën shqipe, pastaj merru me Kavajën”, i shkruan njëri prej tyre.
Gabimet janë të shumta, siç mund t’i shihni më vonë
Pas publikimit të komenteve nga faqja “Joq”, statusi u fshi nga faqja në Facebook.
Kandidati mbron analfabetizmin e tij: Turpi për të gjallët është
“Turpi për të gjallët është”. Me këto fjalë, skandaloze kandidati i Ramës për Kavajën është përpjekur të shfajësohet për analfabetizmin e tij, të shfaqur publikisht një ditë më parë në një postim në profilin e tij në Facebook. Kandidati i PS-së për Kavajën Dorjan Murati, i cili u sulmua nga ndjekës të tij të shumtë në Facebook pas publikimit të një statusi, pasi kishte bërë shumë gabime drejtshkrimore. Ndjekësit nxituan ta korrigjojnë në faqen “Drejtimi i Duhur për Kavajën”, pasi panë një mori gabimesh drejtshkrimore. Shumë prej tyre e quajtën analfabet e injorant, që as nuk skuqet nga anafalbetizmi i tij. “Jepi drejtimin e duhur vetes dhe fillo të mësosh të shkruash gjuhën shqipe, pastaj merru me Kavajën”, i shkruan njëri prej tyre. Por pas replikave të shumta, kandidati i PS-së Murati është shfajësuar duke thënë se nuk ka qenë mirë emocionalisht dhe se turpi për të gjallët është.
Si shkruhet Si duhet
te kryr të kryer
pa fidhuar mir pa filluar mirë
Isa Sakia Isa Sakja
ka sy ne badhe ka sy në ballë
Kavaja e din mir cfar Kavaja e di mirë çfarë
maskaradhiqe maskarallëqe
ke me te ndryshemet nga më të ndryshmet
kjo e ka vertetu vet kjo e ka vërtetuar vetë
kavajen Kavajën
partin Socialiste Partinë Socialiste
