Agjencia e Statistikave të Kosovës (ASK) ka publikuar “Indeksin e Harmonizuar të Çmimeve të Konsumit” (IHÇK) për muajin qershor të vitit 2016. Indeksi i harmonizuar i çmimeve të konsumit prej muajit janar 2016 publikohet me vitin bazë 2015=100. Në muajin qershor 2016, Indeksi i tërësishëm i harmonizuar i çmimeve të konsumit në vend pësoi rënie në një mesatare prej (-0.1%), krahasuar me muajin maj 2016. Kjo, kryesisht është shpjeguar me rënien e çmimeve të konsumit te nëngrupi i perimeve për (-10.8%), me një ndikim prej (-0.4%) në IHÇK. Kurse, ngritje e çmimeve të konsumit vërehet te nëngrupet: pemë (6.2%), përdorimi i pajisjeve për transportin personal (2.6%) – (ngritja e çmimit të naftës dhe benzinës) me një ndikim të përbashkët të këtyre nëngrupeve prej 0.3 % në IHÇK. Shkalla e inflacionit, e matur në muajin qershor 2016 me muajin qershor 2015, ishte (-0.3%). Krahasuar muajin qershor 2016 me muajin qershor 2015, Indeksi i tërësishëm i harmonizuar i çmimeve të konsumit pësoi rënie në një mesatare prej (-0.3%). Kjo, kryesisht është shpjeguar me rënien e çmimeve të konsumit në këtë periudhë te nëngrupet: bukë dhe drithëra (-4.3%); pemë (-7.9%); perime (-9.5%); furnizim me ujë dhe shërbime të ndryshme, që kanë të bëjnë me vendbanimin (-6.7%); rrymë, gaz dhe lëndë djegëse të tjera (-5.3%) -(përshkallëzimi i TVSH-së me 8.0% nga muaji shtator i vitit 2015 te buka dhe drithërat, uji dhe rryma, ka ndikuar në rënie të IHÇK-së, në një masë prej (-0.8%); përdorim i pajisjeve për transportin personal (-7.2%) – (rënia e çmimit të naftës dhe benzinës), me një ndikim të përbashkët të këtyre nëngrupeve prej (-1.7%) në IHÇK. Ndërkaq, gjatë kësaj periudhe, është vërejtur ngritje e çmimeve të konsumit te nëngrupet: mish (1.1%); sheqer dhe ëmbëlsira (9.0%); ujë mineral, pije joalkoolike, lëngje nga pemët dhe perimet (2.0%); pije alkoolike (5.8%); duhan (10.7%); veshje (2.9%); orendi dhe aparatura, qilima dhe shtroja të tjera për dysheme (2.2%); prodhime dhe pajisje mjekësore (3.2%); shërbime për transport (4.4%) – (ngritja e çmimit të biletave me aeroplan), me një ndikim të përbashkët të këtyre nëngrupeve prej (1.4%) në IHÇK.
Kryesore
Continue to the categoryRithemelimi po humbet kauzën kryesore opozitare, atë të luftës ndaj korrupsionit
Nga Ervis Iljazaj
Me shumë gjasa qeveria aktuale është një nga qeveritë më të korruptuara të tranzicionit shqiptar. Ky nuk është një opionin, por...