Pas SHBA dhe Brazilit, protestat kundër izolimit shpërthyen edhe në Francë. Daily Mail publikoi pamje nga protestat në Paris, ku qindra qytetarë kanë dalë në rrugë mjaft të revoltuar.
Forcat e rendit përdorën gaz lotsjellës dhe shkopinj gome kundër protestuesve, ndërsa mësohet se një qytetar ka mbetur i plagosur rëndë.
Këta të fundit ankohen për trajtimin që po u bën policia minoritarëve gjatë izolimit. Gjithçka nisi pas keqtrajtimit të një personi nga policia, dhe zemërimi ndaj qeverisjes së Macron duket të jetë mjaft i madh.
Ndërkohë Franca e ka shtyrë izolimin të paktën deri më 11 maj, pasi numri i jetëve të humbura nga koronavirusi po rritet ndjeshëm në ditët e fundit. Protesta kundër masave shtrënguese të qeverive ka pasur më herët dhe në SHBA apo në Izrael , ku duket se qytetarëve është duke iu sosur durimi.
