Tifozët e Manchester United duhet të mbeten të durueshëm me Jose Mourinhon, ndërsa ai e formon skuadrën sipas dëshirës së tij, thotë Marcel Desailly. Skuadra e Mourinhos u mund 1-0 në “Stamford Bridge”, të dielën, për të rënë tetë pikë prapa liderëve të Manchester City në garën e titullit të Premier League. Portugezi ka lavdinë e “Kupës EFL” dhe “Europa League” në sezonin e tij të parë, në “Old Trafford”, por forma shkatërruese e fqinjëve të Manchester City i ka lënë “Djajtë e Kuq” të “zvarriten” në sezonin 2017-2018. Dhe Desailly beson se, Mourinho duhet të mbetet i vërtetë në stilin e tij, pasi lufton me një staf që ende nuk është plotësisht në përputhje me kënaqësinë e tij.
“Duhet të qëndrojë si Mourinho, ai e di cilësinë e ekipit të tij, tha Desailly për “Omnisport”, duke folur përpara “Golden Foot Hublot”, çmimit në Monako. Ai duket sikur nuk kishte ekipin e vërtetë që dëshironte, krahasuar me Pep Guardiolën, i cili zgjodhi çdo lojtar që dëshironte brenda dhe jashtë. Mourinho, ende ka të bëjë me disa lojtarë, që nuk do t’i dëshironte sistemi i tij. Mourinho është duke bërë mirë, kështu që shpresoj që Manchester United të shkëlqejë sikur në atë kohë me Alex Ferguson. Por është e vështirë, çdo herë, çdo lojë, ka një histori të madhe në supet e të gjithë lojtarëve dhe mbi trajnerin. Pra, le t’i japim kohë Mourinhos”.
