PSG-ja mendon për Jose Mourinho. Nuk ka vend për megaprojekt në duart e Unai Emery. Njësia ekonomike pariziene është duke kërkuar për një trajner të ri. Dhe ky nuk është askush tjetër, përveç portugezit të Manchester United. Sipas raporteve të “The Sun”, përfaqësuesit e Mourinhos kanë mbajtur kontakte me PSG-në. Në Angli besojnë se drejtuesi sportiv i njësisë galike, Henrique Antero, mund të luajë një rol kyç në bindjen e Mourinhos, pasi ai ka punuar me trajnerin portugez në fazën e drejtimit prej tij të Portos. E vërteta është se në javët e fundit trajneri ka flirtuar me gjigantin francez. Megjithëse ka theksuar gjithmonë angazhimin e tij ndaj Manchester United, ka ende një vit e gjysmë kontratë, deri në qershor 2019, portugezi nuk ka hezituar t’i fshehë disa vështirësi.
Ai e la veten të ekspozohej drejt Parisit vetëm tri javë më parë, kur në një intervistë për televizionin francez TF1 justifikoi se djali i tij kishte preferuar për të shkuar në një ndeshje të PSG-së, në vend të Manchester United, sepse klubi parizien “është diçka e veçantë, magjike, cilësore, e re, fantastike”. Dhe ndërsa shtypi britanik spekulon me të ardhmen e tij në PSG, José Mourinho e vë në pritje Manchester United nëpërmjet rinovimit të tij. Në “Old Trafford” janë të gatshëm t’i ofrojnë atij një kontratë afatgjatë dhe portugezi, si homologim, kërkon një rritje të dukshme të pagës: tre milionë paundë më shumë (rreth 3.5 milionë euro) për t’ua shtuar 10 milionë eurove që tashmë merr në vit.
Klubi francez duket se do ta shkarkojë Unai Emeryn në fund të këtij sezoni, nëse ky i fundit nuk e fiton Ligën e Kampionëve. Jose Mourinho, momentalisht trajner i Manchester United, dhe ai i Chelsea, Antonio Conte, janë në mesin e emrave që lidhen me bankën e PSG-së, por Mundo Deportivo pohon sot se, Massimiliano Allegri, i cili është në krye të Juventus, i është shtuar listës së fundmi. Trajneri i Tottenhamit, Mauricio Pochettino, është opsion po ashtu. PSG-ja e ka fituar ligën franceze katër herë në pesë sezonet e kaluara, por deri më tani nuk ka qenë në gjendje të ketë ndikim të vërtetë në Ligë të Kampionëve.
Për momentin “Special One” ndihet mirë te Manchester United, por Mourinhos do t’i pëlqente që një ditë të drejtonte klubin nga “Parc des Princes” dhe kjo ditë mund të jetë shumë e afërt sesa e ka parashikuar tekniku luzitan. Edhe pse ka kontratë me United deri në qershor të 2019-ës, Mourinho mund të largohet nga “Old Trafford” që gjatë verës së vitit të ardhshëm.
