Nga Bardh SPAHIA
Papërgjeshmëria e pushtetit të Edi Ramës ndaj qytetarëve të këtij vendi, arrin kulme të reja cdo ditë. Dje në Qendrën Shendëtsore Kamëz, me një personel prej 80 personash, mjekë, infermierë e personel ndihmës, një infermiere e repartit të Urgjencës ka rezultuar Covid pozitiv.
Dhe sot puna vazhdon në këtë Qendër Shëndetësore, sikur të mos kishte ndodhur asgjë. Pa u bërë karantinimi i pjesës tjetër të stafit, pa bërë asnjë tampon apo hetim epidemiologjik. Cdo ditë në dyert e kësaj Qendre Shëndetësore, që ofron shërbim 24 orë, paraqiten me qindra qytetarë, e sidomos të sëmurë kronikë, që urdhëri i drejtoreshës së Fondit nr. 274 i dt 25.6.20 i privon nga shpërndarja e ilaceve në shtëpi.
E qëllimshme apo nga padija, kjo indiferencë ndaj spitaleve e qendrave shëndetësore është shkaku se pse ato janë kthyer në vatra të nxehta infeksioni! Përballë këtij realiteti, ai teatri i shfaqjes me polici në derë të bizneseve është skandaloz e i turpshëm!
