Ushqimet që duhet të konsumoni sa më shpesh nëse keni problem me tensionin e lartë të gjakut janë:
Bollguri
Ky drithë i shëndetshëm është i pasur në fibra, që mban peshën dhe tensionin e gjakut nën kontroll. I gatuani me ujë ose qumësht me pak yndyrë.
Perimet e gjelbra
Kripa bën që trupi të prodhojë ose ruajë më shumë lëngje. Kjo çon në rritjen e volumit dhe presionit të gjakut në arterie. Mbusheni pjatën me perime me gjethe të gjelbra, si spinaqi, brokoli, kale etj për rritje të niveleve të kaliumit. Ky mineral ndihmon në nxjerrjen jashtë të sodiumit nëpërmjet urinës, si dhe relakson muret e enëve të gjakut.
Frutat e pyllit
Pigmentet që u japin boronicave, luleshtrydheve ose manaferrave ngjyrat e tyre vijnë gjithashtu me një përfitim për enët e gjakut: antocianina. Është një përbërës natyral që zgjeron enët e gjakut dhe i bën më fleksible, duke përmirësuar kështu shëndetin e zemrës.
Kosi
Kalciumi është një nga lëndët ushqyese më të mira për tensionin e gjakut sepse ndihmojnë në tendosjen dhe relaksimin e tyre kur duhet. Kosi i ulët në yndyrë është një mënyrë e mirë për të shtuar kalciumin në dietë pa sheqerna të shtuara po yndyrë. Doni t’i jepni më shumë vlera ushqyese kosit? Shtoni ca fruta pylli në kos për një ëmbëlsi më natyrale dhe mbajtjen nën kontroll më mirë të tensionit të gjakut.
Peshku i yndyrshëm
Një tjetër burim i mirë i lakciumit është peshku, si salmoni apo sardelet. Këto lloje peshqish janë të pasur në omega 3, acide yndyrore këto që mbrojnë shëndetin e zemrës. Studimet kanë treguar se peshku mund të ndihmojë në uljen e tensionit të gjakut.
Fara
Shtoni fara të pakripura, si ato të kungullit, lirit apo lulediellit tek sallata, kosi ose bollguri për të ulur tensionin e gjakut. Farat janë një burim i mineraleve jetësore si magnezi, që ndihmon në kontrollin e tensionit dhe relakson enët e gjakut.
Panxhari me mollë
Përgatisni një lëng me panxhar dhe mollë (në raportin 3/2) për të ulur nivelet e tensionit të gjakut sistolik në pak orë. Presioni i lartë sistolik rrit rrezikun për goditje në tru. Panxhari ka në përmbajtje të lartë kalium.
Hudhra
Hudhra nuk shërben vetëm si erëz për ushqimet. Ajo ndihmon gjithashtu në rritjen e niveleve të oksidit nitrik, që zgjeron enët e gjakut. Sa më të relaksuara të jenë enët e gjakut, më pak duhet të punojë zemra për të pompuar gjak. Kjo ndihmon në uljen e tensionit të gjakut.
Vaj ulliri
Polifenolët, që janë antioksidues mbrojtës, gjenden me shumicë tek vaji i ullirit. Këta antioksidues përmirësojnë shëndetin e enëve të gjakut dhe ju ndihmon të jeni elastik.
Rekomandohet 2-3 lugë çaji vaj ulliri çdo ditë.
Thjerrëzat dhe fasulet
Një filxhanë në ditë me bizele, thjerrëza ose fasule mund të mbajë nën kontroll tensionin e gjakut ose edhe ta ulë atë. Thjerrëzat dhe fasulet janë të pasura në fibra, një lëndë ushqyese që mban larg sëmundjen koronare të zemrës.
Rekomandohet një racion në ditë me fasule, bizele ose thjerrëza në ditë.
Çokollata e zezë
Rezulton që çokollata e zezë (me të paktën 50-70% kakao) mund të ofrojë një përbërës bimor i quajtur flavonol. Ashtu si me hudhrën, ky antioksidues mund të rrisë nivelet e oksidit nitrik dhe zgjeron enët e gjakut, duke ulur kështu presionin e rrjedhjes së gjakut.
Ushqyerja nuk është mënyra e vetme e trajtimit
Nëse keni tension të lartë të gjakut, një dietë e shëndetshme mund t’ju ndihmojë të menaxhoni apo parandaloni gjendjen. Por, ajo çka bëni jashtë pjatës ka gjithashtu rëndësi. Prandaj, humbisni ca kile të tepërta, stërvituni dhe merrni ilaçet që ju ka rekomanduar mjeku.
