Tirana është qyteti i 176-të në botë ndër 231 qytete, sa i përket cilësisë së jetesës. Rezultatet janë publikuar nga “Mercer”, që është ndër kompanitë më prestigjioze në nivel global e që çdo vit përpilon indeksin e cilësisë së jetesës. Në indeksin e një viti më parë, Tirana zinte vendin e 179-të, ndër 230 qytete të ndryshme të botës, çka përkthehet në një përmirësim me tri pozicione në renditjen totale. Pavarësisht progresit të lehtë, në krahasim me të tjerët, Tirana mbetet në vend. Edhe këtë vit, ashtu si një vit më parë, Tirana është qyteti me cilësinë më të dobët të jetesës në Europë, pas Minskut të Bjellorusisë. Bukureshti ndërkohë është në vendin e 107-të, Zagrebi në vendin e 98-të dhe Athina në të 87-tin. Në nivel global, Vjena konfirmohet në vend të parë, si qyteti me cilësinë më të mirë të jetesës, e ndjekur nga Zyrihu dhe Auckland i Zelandës së re. Në rang global, qyteti me cilësinë më të ulët të jetesës është Bagdadi në Irak. Ky është edicioni i 19-të i këtij edicioni të indeksit të cilësisë së jetesës së “Mercer”. Në vitin 2015, Tirana ndërkohë renditej e 180-ta. Në këtë përfundim arrin raporti i “Mercer” për vitin 2016. Ky raport ka hyrë tashmë në edicionin e 18-të të publikimit. Në rang global merren në analizë plot 230 qytete të ndryshme dhe Tirana zë vendin e 179-të, me vetëm një pozicion përmirësim në krahasim me vitin paraardhës, kur renditej e 180-ta. Pozicioni i dobët i kryeqytetit të Shqipërisë në këtë renditje specifikohet edhe nga vetë studimi, ku nënvizohet se Kievi, Tirana dhe Minsku janë tri qytete që shënojnë performancën më të dobët në kontinentin e vjetër. Kryeqyteti shqiptar sipas “Mercer” ofron një cilësi më të ulët jetese edhe se Maputo në Mozambik, Cairo i Egjiptit, apo edhe se New Delhi, Dakar apo Accra. Në rajon performancën më të mirë e regjistron Zagrebi, i renditur në vendin e 98-të. Në rang global ndërkohë, ajo që bie në sy është fakti se mes 10 vendeve të para në renditje, 7 prej tyre përfaqësojnë Europën Perëndimore. Pavarësisht vështirësive ekonomike, këto vende vazhdojnë të vlerësohen si ato me cilësinë më të lartë të jetesës. Në vend të parë renditet Vjena e ndjekur nga Zurihu dhe më pas ndjek Auckland në Zelandën e Re. Gjermania përfaqësohet me 3 qytete në listën e 10 vendeve më të mira për të jetuar.
