Diego Simeone i “mat pulsin” Romës për Radja Nainggolan. Trajneri i Atleticos së Madridit, pas fitores 2-0 me Romën në “Wanda Metrolpolitano”, në një lidhje të drejtpërdrejtë me emisionin sportiv italian “Premium Sport”, i pyetur për mesfushorin belg, u përgjigj: “Do të ishte e jashtëzakonshme nëse do ta kishim te skuadra jonë”.
Kaq ka mjaftuar që të lindnin spekulime për të ardhmen e mesfushorit, që u detyrua të jepte një koment për deklaratën e Simeones: “Si do t’i përgjigjesha? Janë fjalë vlerësuese, që me gëzojnë, por unë e kam thënë edhe herë të tjera që kam vendosur të qëndroj te Roma dhe jam i lumtur për zgjedhjen time”.
Tifozët “verdhekuq” duhet të jenë qetësuar, të paktën për momentin, sepse në çdo periudhë merkatoje është i pashmangshëm interesimi i klubeve të mëdha për Nainggolan.
