Kreu i Partisë Demokratike, në një postim në rrjetet sociale ka uruar Talat Xhaferrin për zgjedhjen si i pari Kryeministër shqiptar në Maqedoninë e Veriut.
Basha shkruan se “pa rolin konstruktiv dhe përshkushtimin për vlerat euroatlantike të shqiptarëve, do ishte e vështirë që Maqedonia e Veriut të ishte anëtare e NATO-s dhe të hapte negociatat për anëtarësim në Bashkimin Europian”.
Më poshtë urimi i plotë i kreut të PD, Lulzim Basha:
Urime Talat Xhaferrit, Kryeministrit të parë shqiptar në Maqedoninë e Veriut.
Pa vizionin, përkushtimin dhe vendosmërinë e Ali Ahmetit, kjo do të ishte e pamundur.
Pa rolin konstruktiv dhe përshkushtimin për vlerat euroatlantike të shqiptarëve, do ishte e vështirë që Maqedonia e Veriut të ishte anëtare e NATO-s dhe të hapte negociatat për anëtarësim në Bashkimin Europian.
Maqedonia e Veriut dëshmoi edhe sot një shembull për bashkëjetesën ndëretnike dhe rolin e shqiptarëve si faktor paqeje dhe stabiliteti në Ballkanin Perëndimor.
Duke i uruar suksese Talat Xhaferit, urojmë dhe shpresojmë që rruga europiane e Maqedonisë së Veriut të mos ndalet.
