Rama pritet me protesta në Kukës, Paloka: E pritën siç e meriton, ja thanë fytin trimit… (Video)

Pas qytetarëve të Hasit, edhe ata të Kukësit e kanë pritur me protesta kryeministrin Edi Rama. Nën thirrjet ‘Rama ik, Rama ik, Turp, turp, turp’. 
Me qindra qytetarë kuksianë janë mbledhur në shesh dhe kanë protestuar kundër Edi Ramës dhe taksave të tij. Ndërkohë në drejtim të eskortës së kryeministrit qytetarët kanë hedhur dhe flakadanë.
Është dashur ndërhyrje e forcave të shumta të policisë të cilët nuk kanë lejuar turmën t’i afrohet kryeministrit.
Në çdo qytet të Shqipërisë Rama është pritur me protesta.
Për këtë ngjarje ka reaguar edhe nëkryetari i PD, Edi Paloka.
Paloka shkruan në një postim në Facebook se, kuksianët e veërtetë e priten siç e meriton … Ja thanë fytin trimit…
Postimi i Palokës
Rama ne Kukes.
Pasi e anulloi tre here viziten ne Kukes , sot Rama shkoi gjysem ilegalisht ne Has dhe me pas, shkoi dhe ne Kukes, i rrethuar me police dhe forcat speciale te armatosur (ne kundershtim me ligjin).
Pasi ju vuri traun ne rruge, i burgosi dhe kerkoi ti poshtroje, sot mori guximin te shkoj ne Kukes.
Mblodhi ne nje salle gjithe administraten per te treguar qe kuksianet jo vetem e kane falur por ka dhe nga ata qe e duartrokasin.
Por kuksianet e vertete e priten siç e meriton … Ja thane fytin trimit…

“Rama ik! Rama ik!”
Në vizitën e tij në qytetin e Kukësit, Rama është pritur me protesta nga banorët e Kukësit, ku disa prej tyre kanë qëlluar në drejtim të tij me flakadanë.
Në fjalën e tij para se të shpërndante disa karta anëtarësie, Rama kërkoi falje për zhvillimet pas aplikimit për herë të parë të taksës së “Rrugës së kombit”, për të cilën ai tha se mund të ishin shmangur, ndërsa sulmoi qytetarët që qëlluan me flakadanë.
“Nuk është e tepër të ju kërkoj ndjesë të gjithë banorëve për shqetësimin që krijuam, përveç atij grupit zoologjik, sepse atyre nuk kam pse tu kërkoj ndjesë. Ishte një situatë që duhej evituar, por si thonë, koka e falur nuk besoj që pritet”, tha ndër të tjera Rama.
Siç shihet dhe nga pamjet nw video protestuesit të irrituar kanë hedhur flakadanë ndaj kryeministrit , i cili është mbrojtur nga policia pasi turma ka qenë tepër e acaruar.
Fax News raporton se protesta është organizuar nga Partia Demokratike në Kukës dhe po zhvillohet përpara pallatit të Kulturës.
Siç duket dhe nga videot, protestuesit janë pothuajse të izoluar nga forcat e shumta policore që janë mbledhur në vendin ku po mbahet protesta. Qytetarët e Kukësit shkruajnë në panrkarta dhe me thirrje “Rama ik! Rama ik!” por edhe “Turp, Turp”.
Ndërkohë dhe më herët, gjatë një takimi të zhvilluar me qytetarët kryeministri Rama u prit me protesta dhe në Has. Kujtojmë se kryeministri Rama viziton Kukësin pas protestës së dhunshme të kuksianëve kundër tarifës në Rrugën e Kombit, protestë që tronditi jo pak qeverinë dhe që e detyroi të ulte tarifën për banorët e Kukësit nga 5 euro në 1 mijë lek të vjetra.
Kryeministri ndodhet në Kukës, i pranishëm në disa anëtarësime të reja në PS-në e Kukësit. Ai ka ripërsëritur sërsih premtimet e tij për aeroportin e Kukësit, ndërsa është shprehur se do të akordohet fondi edhe për ndërtimin e stadiumit të Kukësit.

Noka: “Të pritën siç e meritoje, o Edvin”…!
Kryeministri Rama është pritur sot me protesta në Kukës ku ndaj tij janë hedhur edhe flakadanë, duke bërë që të nevojitet ndihma e policisë për të garantuar sigurinë e tij, kur po zbriste nga makina për t’u futur në pallatin “Hasan Prishtina”, ku do të ishte i pranishëm në anëtarësimet e reja në PS.
Në lidhje me çfarë ndodhi në Kukës ka reaguar edhe deputeti demokrat Flamur Noka. Përmes një postimi në ‘Facebook’, ai thotë se kryeministri u prit siç e meritonte, duke shtuar se shpejt do të merrte përgjigje “njëherë e mirë”.
“Te priten siç e meritoje o Edvin… I varferove, i zhyte ne mjerim,ju vrave te ardhmen , ju vrave shpresen , i perzure ne mase nga vendi aq sa e shkretove ate vend. I ndave, i izolove e tani shkon edhe ti poshtrosh.Nuk ta pranojne as Kuksianet e as Hasjanet kete gjuhe banditi pavaresisht se ti i tille je. Prit se do marresh pergjigje njehere e mire shume shpejt pasi je i vdekur i pa kallur ti dhe banda jote o Edvin”, shkruan Noka.
Kryeministri Rama ishte sot në Has dhe Kukës sot, ku foli për bashkëqeverisjen me qytetarët. Në Kukës ai bëri dhe premtime se aeroporti i Kukësit do të hapej, dhe stadiumi i Kukësit do të ndërtohej.
Për Ramën kjo ishte vizita e parë në Kukës pas protestës së banorëve të Kukësit në Rrugën e Kombit ku shkatërruan traun e vendosur pasi kërkonin heqjen e tarifës.