Burime për Faxweb.al bëjnë me dije se 27 emigrantët që ndodheshin prej orësh në Doganën e Kapshticës janë duke ju nënshtruar procedurave përpra se të mbërrijnë në një hotel në qytetin e Korçës ku do të karantinohen për 14 ditë.
Atyre po ju bëhet një kontroll mjekësor si dhe mbi dokumentacionin ndërsa Policia do të bëjë transportimin e tyre drejt hotelit.
Një gjë e tillë është bërë pas negociatave dhe marrjes përsipër të kostos me 14 ditë hotel dhe ushqim 3 vaktet nga Këshilli Koordinues i Diasporës Shqiptare.
Një vendim i tillë është marrë po ashtu pasi kryeministri Edi Rama deklaroi se ata do të lejoheshin të futen në territorin tonë, nëse karantinohen 2 javë në struktura hoteliere me kostot e veta.
Ndërkohë, ajo çfarë dimë të gjithë është plani i masave që të paktën na ka prezantuar publikisht qeveria dhe që përfshihen edhe qendrat e karantinimit për personat e dyshuar me koronavirus, siç është Kavalishenca në Durrës.
Por qeveria e Ramës i ka rënë lapsit duke ia lënë dikujt tjetri përsipër barrën e kostos që ka trajtimi i shtetasve të saj që prej ditësh enden doganave pasi atdheu iu ka mbyllur portat. (F.GJ/FAXWEB.AL)
