Destinacioni i ardhshëm i Lionel Messit do të jetë Manchester City.
Kjo mund të kuptohet lehtësisht nga një postim i shpërndarë nga faqja zyrtare e ish-kampionëve të Premierligës.
“Manchester City Esports” ka publikuar një postim ku shkruan: “Nënshkrimi i ri i Manchester Cityt nuk është nga kjo botë. Edhe dy orë”, thuhet në postimin që më pas e ka shpërndarë edhe faqja zyrtare e klubit anglez.
Messi dje ka kërkuar largimin nga Barcelona pasi që ka qenë i pakënaqur me situatën menagjuese.
Manchester City do të përfshijë sulmuesin Gabriel Jesus si pjesë e një marrëveshje të guximshme shkëmbimi prej tre lojtarësh për të rrëmbyer kapitenin e Barcelonës, Lionel Messi.
Messi, 33 vjeç, shokoi të gjithë botën e futbollit të martën, pasi njoftoi klubin e tij spanjoll se e ardhmja e tij nuk shihet më në Camp Nou.
Dhe City është shfaqur si favorit kryesorë për të siguruar shërbimet e superyllit argjentinas dhe ribashkimin e tij me ish-menaxherin e Barcelonës, Pep Guardiola.
Skuadra nga Liga Premier pritet të përballet me rezistencë të madhe nga Barca, e cila nuk e ka ndërmend të lejojë Messin të braktisë klubin.
Sipas gazetës spanjolle Sport, City do të shtyjë përpara interesimin e tyre për Messin duke ofruar tre lojtarë te Barcelona për yllin argjentinas.
Jesusi, 23 vjeç, është shfaqur si një objektiv i mundshëm për Barcelonën ndërsa Ronald Koeman përgatitet të nënshkruajë me një sulmues të ri, pasi as Luis Suarez nuk shihet si pjesë e skuadrës së tij.
Eric Garcia, i cili ka dalë nga akademia e famshme e La Masias së Barcelonës, është një tjetër lojtar që City do të përfshijë në marrëveshje së bashku me Jesusin.
Mbrojtësi i majtë i Cityt, Angelino, i cili bëri përshtypje gjatë huazimit të tij në RB Leipzig sezonin e kaluar, do të plotësonte paketën prej tre lojtarësh që klubi anglez do t’i ofronte Barcelonës.
Gazeta Sport shtoi se Messi mund të thyente rekordin e shifrës së transferimeve nëse Barcelona vendos ta shesë gjashtë herë fituesin e Topit të Artë këtë verë.
Sidoqoftë, gazeta raporton se marrëveshja e shkëmbimit të City do t’i ndihmonte ata të ulnin ndjeshëm çmimin e kërkuar për kapitenin e Argjentinës.
