Politologu Ilir Kalemaj tha në studion e MCN Live se PS-ja i mblodhi deputetët e Rithemelimit me një fishkëllimë dhe i dha 2 komisionet më pak të rëndësishme.
Më tej, Kalemaj tha se Rithemelimi nuk ka bërë asnjë propozim për sistemin zgjedhor.
“Mazhoranca ka bërë çfarë ka dashur, në fund të 5 muajve i mbledh këta me një fishkëllimë. I jep dy nga komisionet me irelenvante. Se e para është çështje në SPAK, janë mbyllur hetimet, edhe ajo e TIMS është teknike dhe është më pak e rëndësishmja nga komisionet e tjera. Se çfarë do bëjnë këta për 3-4 muaj? Për mua nuk ka asnjë vlerë. Këtu fiton personalisht Gaz Bardhi, pasi ai nuk qe pjesë e këtyre 507 mijë votave, nuk bëri fushatë.
Ai garantoi njohjen e tij si kryetar i grupit parlamentar të PD-së, emërimin si nënkryetar i partisë bashkë me Gjekmarkajn. Nga PD, Rithemelimi nuk kemi dëgjuar një propozim të saj siç kanë propozuar partitë e vogla që thonë jemi për këtë sistem. Këta çfarë mendimi kanë?
Grupi Bardhit nuk ka propozuar asgjë, vetëm të kenë bashkëkryetarin. Tani bien dakord të mos kenë bashkëkryetarin.”
