Jorida Tabaku
• Investimet e Huaja në stagnacion dhe në 983 milione euro investime vetëm TAP dhe Devoll janë 700
milionë, por përsëri me vendet e rajonit mbetet i ulët.
• Qeveria ka akumuluar një rritje të borxhit që e ka fshehur atë duke e çuar borxhin real për vitin 2016 sa
73% e PBB-së. Vlera e borxhit të papërfshirë llogaritet në 33.2 mld lekë (300 mln euro)
• Gjatë vitit 2016 është vërejtur një rritje e ekonomisë kriminale. Faktor kyç ka qenë mbjellja e drogës në
vend dhe kriminalizimi i ekonomisë përmes futjes së parave të pista në treg.
• KLSH ka raportuar se dëmi ekonomik është 820 mln euro për vitin 2016. Në total dëmi ekonomik për
vitet 2014-2016 ështe 2.5 mld euro, një dëm i barabartë me buxhetin e shtetit faktit të vitit 2016.
• Qeveria ka grumbulluar 8.4 mld lekë më pak të ardhura për vitin 2016 nga ku kryesojnë Akciza e cila
ndonëse u rrit në vitin 2016 arkëtoi 27 mln USD më pak njësoj si në vitin 2013.
• Qeveria vendosi taksën mbi primin e siguracionit (që e paguan qytetarët), taksën mbi makinat e luksit
dhe ndryshoi mënyrën e llogaritjes së rentës minerare, duke llogaritur mbi 1.4 mld lekë plus në buxhet.
Por megjithëse rriti me 1.45 mld lekë taksa shtesë në zërin e taksave nacionale për vitin 2016, ajo
grumbulloi 1.5 mld lekë më pak po tek i njëjti zë. Shembulli përkorë i eficencës në qeverisje.
• Në total nga paketa e parë fiskale e rilindjes, viti 2014, e deri në vitin 2016 shqiptarëve u janë rritur
taksat me 46.78 mld lekë (364 mln USD) progresivisht. Por megjithëse taksat janë rritur me 364 mln
USD të ardhurat e Buxhetit 2016 janë vetëm 3% më të larta se sa ato të vititt 2013 në raport me PBB.
• Viti 2016 ka qenë më i varfëri në shpenzime kapitale dhe infrastrukturore shënojnë vlerën më të ulët të
financuar për periudhën 2008-2016, ato janë sa 4% e PBB-së më të ulëta se sa viti 2013.
• Të kursyer në investime për publikun dhe të pakursyer në luksin e ministrive kanë shpenzuar në 2016
rreth 45 mln USD për rikonstruksion godinash.
• Politikat e pagës në qeveri prodhuan për herë të parë në dhjetë vjet një rënie të pagës reale me -0.4%.
