Ish-Kryeminsitri Sali Berisha në një lidhje me studion e lajmeve të ABC news, deklaroi se në Shqipëri po fshihen rastet e viktimave dhe personave të infektuar nga Covid 19.
Berisha deklaroi se, në Shqipëri shifrat jepen me vendim politik. Ai deklaroi se, shifrat e të infektuarve nuk janë reale, pasi janë bërë shumë pak teste.
Berisha tha se, nga Covid-19 janë rreth 15 viktima më shumë nga sa deklaron qeveria. Ai tha se vetëm në Has kanë humbur jetën 3 persona nga Koronavirusii ndërsa këta deklaruan vetëm një person që u soll tek Infektivi në Tiranë.
Çfarë shifrash keni, sipas të dhënave tuaja?
Sali Berisha: Janë të paktën 10 ose 15 herë më shumë sec është raportuar. Në Has sot, në Krumë është një lagje e tërë e infektuar me covid-19. Kanë vdekur 3 persona. Edhe në rrethe po ashtu. Për të qenë i vdekur nga covid duhet patjetër të ndërrosh jetën në spitalin Infektiv.
Berisha u shpreh për Abcnews se shifrat e publikuara për rastet e personave të prekur nga COVID-19 dhe personat që kanë humbur jetën, nuk janë ato të saktat.
Gjithashtu ish-kryeminstri hodhi akuza ndaj kryeminstrit Rama se po shkakton panik te qytetarët me qëndrimin e tij.
“Është një pandemi unike, në një 100 vitet e fundit që nga koha kur ishte gripi spanjoll. Jemi në fillimet e saj. Është shumë e vështirë të parashikohen përmasat e pasojave në shëndetin e njerëzve. Përveç disa shpresave me kombinim ilaçesh, ende nuk ka një vaksinë”, deklaroi Berisha.
Mendoni se kemi hyrë në zonën e rrezikut apo do të jemi me këto shifra?
Berisha: Në Shqipëri ndodh ajo që përveç Koresë së Veriut nuk ndodh në asnjë vend tjetër. Shifrat këtu për të vdekurit nga viroza COVID-19 përcaktohen politikisht. Çdo shifër, çdo veprim është politizuar, këto i them shumë të faktuara.
Keni shifra të tjera nga ato zyrtaret?
Berisha: Të besosh se ka 277 të prekur është qesharake, këtë nuk e beson njeri. Kur jemi vendi që kemi bërë shumë pak teste. Na citon një nga kryeterriostët e kohës në postimet e tij. Në këtë epidemi ne kemi një rrezik i lartë, vjen nga i vetëshpalluri kryeepidemiolog dhe nga një grusht njerëzish. E quaj “ndrikull hajnia”. Me këtë qëndrim nuk po bëj politik, por po them të vërtetën për qytetarët.
Çfarë po ndodh me testet?
Berisha: Ndrikull hajnia i tha qytetarëve se po përdornim metodën e vjetër të OBSH, metodë e cila ka 15 ditë që e ka hedhur poshtë. Shqipëria pardje ishte në 10 vendet në vdekshmëri më të lartë në botë, sot është në vendin e 11 ose të 12. Shqipëria vetë ka një vdekshmëri prej tre herë më të lartë se mesatarja e rajonit. Garantoj që shifrat janë të manipuluara”, tha Berisha.
