Dje u plotësuan 200 ditë pa e parë bashkë BBC në njëmbëdhjetëshin e Real Madridit. Shfaqja e tyre bashkë (Benzema, Bale dhe Cristiano) daton më 23 prill 2017, në një klasike të kujtesës së keqe për të bardhët: Barça fitoi 2-3, me një gol të realizuar nga Messi në frymën e fundit, dhe Bale, i cili i tha Zidanes se është 100%. Në fakt, uellsiani vuajti nga një problem në “soleusin” e majtë dhe u largua nga fusha pas gjysmë ore. “Ai më tha se ishte në rregull dhe kërkonte për të luajtur”, ka thënë Zidane, për të cilin uellsiani nuk luajti as në finalen e Cardiff-it, qytetin e lindjes. Pas më shumë se gjashtë muajsh, që nga koha kur Real Madridi ka pasur për herë të fundit e në formacion “tridentin” (BBC), mundësia e kthimit të tij në ekipin startues është në derbin e 18 nëntorit, në “Wanda Metropolitane”.
Rrethanat e secilit (Ronaldo është liruar nga Portugalia, Real Madrid ka rënë dakord me Uellsin që të mos e telefonojë Bale, ndërsa Benzema është jashtë kombëtares franceze që nga rasti “Valbuena”) e lejojnë trajnerin Zidane të punojë me të tre gjatë gjithë pushimit ndërkombëtar. Bale, me sa duket u shërua nga problemi i tij në “soleusin” e majtë, por mbetet për t’u parë nëse Zidane e zgjedh atë, pavarësisht se nuk luan që nga 26 shtatori. BBC po kalon sezonin e pestë në Madrid dhe shifrat nuk e mbështesin atë si alternativa më e mirë: me të Real Madridi fiton më pak lojëra (65 nga 94, 69.1%) se pa të (118 nga 156, 75.6%).
