Ish-ministri i Brendshëm, Saimir Tahiri ka shkuar në Gjermani për të takuar avokatin e Habilajve. Denoncimi është bërë nga ish-Kryeministri Berisha pas një mesazhi të marrë nga një qytetar. “Saimir Trafiku takoi në Gjermani avokatin e Habilajve! Lexoni mesazhin e qytetarit dixhital!”, shkruan Berisha.
“Një fakt shumë interesant dhuratë nga Noriega për popullin shqiptar. Të martën në mbrëmje udhëtova nga Rinasi drejt Milano Malpensa bashkë me bashkëshorten time. Sapo zbritëm nga avioni na mori një autobus dhe zbritëm në një hyrje të pajisur me skaner dhe metal detector. Ushtruan kontroll personal për çdo pasagjer njësoj sikur kontrollohemi në rastet para imbarkimit në avion. Duket se autoritetet italiane s’kanë më besim tek kontrollet shqiptare dhe tek “pastërtia” e policisë tonë, sepse shembullin për ne e ka dhënë ish-ministri i dashur Saje Qorri. E desha t’i bëj një pyetje edhe atij: Në Gjermani të kontrolluan në ndonjë dhomë të veçante apo i re nga Gjermania për të shkuar me taku avokatin e byrazerave?! Kot për muhabet po pyes… Flm Doktor, uroj ta bëni këtë denoncim, sepse vërtetë na kanë vënë një njollë shumë të keqe ne si popull edhe shtetit tonë!”, shkruan qytetari.
Ish-ministri Tahiri mashtroi për vizitën e tij në Gjermani duke deklaruar se kishrte shkuar atje për të vizituar babain e tij, i cili kishte shkuar për të bërë një ndërhyrje kirurgjikale. Por e vërteta është krejt ndryshe pasi gjatë datave 17-20 nëntor, kohë kur Tahiri ndodhej në Gjermani, rezulton se babai i tij Bashkim Tahiri, sipas sistemit TIMS nuk ndodhej në këtë shtet. Në një postim në Facebook Berisha shkruan se, Saimir Trafiku ka mashtruar drejtësinë dhe Parlamentin!
Berisha shkruante në një postim në Facebook se, bazuar në të dhënat e sistemit TIMS, Saimir Trafiku ka qenë në Gjermani nga data 17 deri më datën 20 nëntor dhe, po sipas sistemit TIMS, Bashkim Tahiri në këto data nuk ka qenë fare në Gjermani, por vetëm në Shqipëri.
