Forca të shumta policore kanë zbarkuar në zonën e Don Boskos në Tiranë, aty ku nga një telefonatë është dhënë alarmi për rrëmbimin e një personi.
Nuk dihet nëse telefonata që është bërë në sallën operative është e rreme apo jo, por ka rezultuar se numri nga i cili është bërë njoftimi rezulton i mbyllur, bëjnë të ditur burime policore.
Mësohet se policia është vënë në lëvizje sapo është bërë telefonata, ndërsa fillimisht në zonë kanë mbërritur forca të Komisariatit nr 3 dhe më pas ato Shqiponja.
Nga raportimet mësohet se policia ka patrulluar të gjithë zonën dhe ka marrë në pyetje disa qytetarë, ndërkohë që po vëzhgohen edhe kamerat e sigurisë.
