Kryetari i FRPD, Belind Këlliçi ka reaguar pas refuzimit të Edi Ramës për të pritur një përfaqësi të mjekëve që kanë nisur një protestë gjatë ditës së sotme.
Kreu i FRPD shkruan në një postim në Facebook se, Edi Rama nuk kishte kohë të priste sot në takim 4 mjekë të nderuar! Nuk e ul “nivelin” lideri global, e s’ka kohë të humbë duke diskutuar për broçkullat që kërkojnë mjekët…
Postimi i plotë
Sigurisht që Edi Rama nuk kishte kohë të priste sot në takim 4 mjekë të nderuar! Nuk e ul “nivelin” lideri global, e s’ka kohë të humbë duke diskutuar për broçkullat që kërkojnë mjekët…
Kërkesat e tyre, që mjekët të cilët humbin jetën në krye të detyrës të shpallen dëshmorë të kombit, rritje të pagave, sigurimi i jetës së personelit shëndetësor dhe sigurimi i të gjitha kushteve në punë, janë çështje aspak të rëndësishme për kryeminstrin!
Ka punë më të mira për të bërë. Në kryeministri ka rradhë puna! Ka PPP, ka konçesione, ka tendera, ka vota për të vjedhur e ka ndonjë shkarravinë mbi tavolinë për të përfunduar. Duhet takuar ndonjë bandit, ndonjë trafikant, ndonjë hajdut, ndonjë përdhunues në grup, se kemi zgjedhjet përpara. Thjesht çështje prioritetesh…
