Një qytetare nga Mati ka denoncuar pushimin e saj nga puna si infermiere, pushimin e burrit nga OSHEE dhe heqjen e pensionit të vjehrrës së saj për motive politike. Infermierja Albana Lika i është drejtuar me një mesazh ish-Kryeministrit Berisha ku e informon për pushimet nga puna të saj dhe të burrit pa asnjë shkak vetëm për motive politike.
“Qytetarja dixhitale denoncon: Persekutimin e egër politik të një familje, në të cilën OSHEE pushon bashkëshortin për motive politike. DSHP pushon bashkëshorten infermiere nga detyra për motive politike. Vjehrrës pas 18 vitesh i hiqet pensioni. Familja me 5 vetë me zero të ardhura. Ndaj padrejtësisë nuk reagon asnjë institucion i shtetit kanabist!”, shkruan Berisha në Facebook.
“Mirëmbrëma Dr Berisha, të kam shkruar në Instagram direkt dhe me sugjeruat t’iu shkruaj këtu. Po ua rishkruaj shqetësimin tim; Mirdita Dr. Berisha, duke shpresuar që jeni pikërisht ju e nëse më lejon të marr pak nga koha dhe vëmendja juaj e vyer dua të ndaj me ty një shqetësim timin besoj i shumti në nr… në Shqipërinë tonë. Unë quhem Albana Lika me profesion infermiere, nënë e dy fëmijëve të mitur, bashkëshortja e besoj e të vetmit PD-ist në rrethin e Matit besnik e të pa përlyer në parti të tjera. Këtë të fundit ndoshta nuk e shpreha në gjuhën e politikës fushë të cilën nuk e njoh, nuk e kam studiuar. Influenca e tim shoqi në politikë sipas këtyre në pushtet (t’më falësh pasi nuk di si t’i quaj realisht nuk kanë emër) më kanë hequr nga puna si infermiere në DSHP urdhër politik. Këtë të fundit nuk arrij akoma ta konceptoj kur shkollën, punën i kam fituar me konkurs. Vij nga një familje ku kontribuojmë për shkollim dhe punësim me dinjitet por ja që nuk ndodh kështu. Këtu në Mat u mjaftoka një Kasap ku pasi shkarkoi 54 punonjës në OSHE ka ndikim dhe në institucione të tjera një ndër këto dhee DSHP (Drejtoria e Shëndetit Publik Mat) me drejtuese Drita Lalaj. Shkarkim pa asnjë motivacion ligjor, pa asnjë lajmërim në shkrim krejtësisht politik (ku e kam denoncuar në Stop “Tv Klan”).
Do të lutesha të marrësh në konsideratë dhimbje të tilla si pasojë të dëmit ekonomik nga këto shkarkime nga puna. Unë dua vetëm të punoj t’iu vij në ndihmë fëmijëve me nevoja speciale, pasi jam kualifikuar dhe në këtë fushë. Me shumë respekt Albana Porja Lika. Do të lutesha të marrësh në konsideratë dhimbje të tilla si pasojë të dëmit ekonomik nga këto shkarkime nga puna.
Theksoj se pasi hoqën tim shoq Besim Lika (jurist OSHE), i hoqën vjehrrës sime pensionin pas 18 vitesh pensioniste, pastaj më hoqën mua. Nuk di në mund të gjej një arsye të më heqin nga shkolla vajzën 9-vjeçare meqë e ka bekuar Zoti vajzën këtyre prindërve.
E kam depozituar ankimimin tim në këto institucione; UISH
Avokati i Popullit MSH
Komisioni i Diskriminimit , institucione të cilat nuk e ushtruan funksionin e tyre ligjor, por provuan qartazi që janë politizuar që nga roja i godinës e gjer tek ato të autorizuar me ligj për shqyrtimin e dosjes sime”, shkruan qytetarja Albana Lika.
