Policia ka nisur terrorin ndaj studentëve. Ditën e sotme forca të shumta policore kanë rrethuar fakultetet në Tiranë duke kërcënuar studentët të mos dalin në protestë.
Siç shihet edhe në këto foto të shkrepura nga LSA, ditën e sotme shihet prezenca e forcave të policisë në thuajse të gjitha hyrjet e jashtme të fakulteteve në kryeqytet.
Pas pushimeve të janarit, kthimi i studentëve në protestë është ndarë në dy kampe, ku disa kanë zgjedhur që të shkojnë dhe të zhvillojnë mësim në fakultete, e disa studentë të tjerë vijojnë të qëndrojnë në shesh duke kërkuar plotësimin e kërkesave të tyre, ndërsa protesta po zhvillohet edhe në disa qytete si Korçë dhe Shkodër.
