Sekretari i Përgjithshëm i Partisë Demokratike, njëherësh dhe një nga organizatorët e protestës, Arben Ristani, ka paralajmëruar se protesta do të vazhdojë deri në largimin nga pushteti të Kryeministrit Edi Rama. Në një prononcim për mediat, Ristani u shpreh se kjo do të arrihet përmes protestës popullore me të gjitha mjetet demokratike. Sa i përket procedimit penal ndaj tij për shkak të tejkalimit të orarit të protestës, Arben Ristani theksoi se kjo është çështje e parëndësishme. “Pjesëmarrja e popullit tej parashikimeve, që do të thotë se të gjithë bashkohen se Shqipëria po shkon keq e më keq, që jemi vendi më i varfër në rajon, me administratë të kriminalizuar, me pushtet të kriminalizuar dhe që sot rrezikojmë zgjedhjet e lira e të ndershme. Kjo është kauza jonë. Nuk kemi synim tjetër, do ja arrijmë patjetër. E vetmja mënyrë të rrëzojmë Ramën dhe bandën e tij. Orari? Janë gjëra të parëndësishme. E rëndësishme që t’u japim shqiptarëve zgjedhje të lira dhe të ndershme”, tha Ristani. “Siç e patë, pjesëmarrja e popullit në protestë ishte shumë e madhe. Përballë zgjedhjeve të lira dhe të ndershme nuk vëmë synim tjetër. Këto janë gjëra të parëndësishme, e rëndësishme është t’u japim shqiptarëve zgjedhje të lira dhe të ndershme. Protesta në atë kohë e rilindësve ishte protestë e bandave të krimit për të prurë krimin në pushtet, për të zhvatur Shqipërinë, prandaj i bënë ato protesta. Synojmë zgjedhje të lira dhe të ndershme dhe do t’ia arrijmë nëpërmjet protestës së pandalshme gjithmonë e më masive derisa Rama dhe banda e tyre të na hiqen qafe. Nëse Edi Rama nuk largohet, do ta largojmë me forcën e popullit. Me forcë nënkuptoj forcën e protestës demokratike. Do të përballet me zemërimin popullor që do të vijë në ngritje”, deklaroi deputeti demokrat Arben Ristani.
Kryesore
Continue to the categoryHotel në Himarë, kompani ndërtimi, aksione dhe rreth 200 mijë euro...
Nga Elton Qyno
Një hetim pasuror i SPAK, që është hapur paralelisht me hetimin ndaj personave të arrestuar për inceneratorin e Tiranës, mes të cilëve...