Nga Luçiano BOÇI
Pas rrënimit të lirisë akademike, pagave diskriminuese dhe këto të papaguara, lincimit publik nga Kryeministri, pedagogët rrasen me përdhunë nën rresht në garnizonin e quajtur Universitet.
Kjo ka ndodhur në Universitetin Bujqësor.
Një urdhër absurd i dalë nga Rektori, pra pa vendim Senati, me argumenta qesharakë, detyron pedagogët të paraqesin një axhendë personale javore, ndryshe nuk paguhen për punën e tyre.
Urdhëri nuk merr në konsideratë që puna akademike është alternim midis mësimdhënies dhe anës kërkimore shkencore.
Aq më tepër Rektori nuk është më me ligjin që i ka thurur vetë lavde, autoriteti financiar i Universitetit.
Shpikja e Rektorit, synon kontrollin politik në cdo hapësirë të jetës akademike dhe mbyll cdo dritare lirie.
Senati dhe pedagogët nuk mund të shndërrohen në skllevër të absurditeteve politike që i dalin në ëndrra drejtuesve të mykur të Universiteteve.
