Ish-ministri i Brendshëm, Flamur Noka, në këto ditë të ethshme negociatash dhe konsultimesh për zgjidhjen e krizës politike në vend me ndërmjetësinë amerikane, ka gjetur rastin për të thumbuar Kryeministrin Rama për heshtjen dhe mbylljen e tij. “Ku humbi ‘dashnori’ i Vettingut?!”, shkruan Noka në Facebook. “Garancia amerikane për moskapje të drejtësisë e standarde zgjedhore e bëri të fshihet si struci në rërë. Nga ‘këmbëngulësi’ më i madh, dje u kthye në refuzuesin më të madh! Vallë të ketë bërë lojën si mashtruesi më i madh, i bindur që PD nuk do të pranojë?! Vettinguuuun, Edviiinn!”.
