Pronari italian i “Agon Channel”, Francesco Becchetti, edhe pse jashtë vendit, vazhdon gjyqin me qeverinë shqiptare në arbitrazhin ndërkombëtar. “SYRI.net” ka mundur të mësojë se biznesmeni italian kërkon dëmshpërblim në shifra marramendëse nga shteti shqiptar. Plot 1 miliard e 580 milionë euro është vlerësuar nga avokatët të Becchettit dëmi i shkaktuar nga qeveria shqiptare. Të njëjtat burime sqarojnë se ky dëshmpërblim kërkohet që të përfitohet përmes tri gjyqeve të ndryshme, që pronari i “Agon Channel” ka me qeverinë. Konkretisht, siç duket edhe në tabelën e mëposhtme të siguruar nga “SYRI.net”, nga arbitrazhi i parë në Uashington, Becchetti kërkon 1 miliard euro; nga gjyqi i dytë 450 milionë euro dhe i treti në Paris 130 milionë euro. Ndërkohë, kujtojmë se në janar të këtij viti, qeveria shqiptare pagoi edhe 2 milionë euro të tjera avokatët e saj për të vazhduar betejën ligjore ndaj Francesco Becchettit.
Ndërkohë Qendra Ndërkombëtare për Zgjidhjen e Mosmarrëveshjeve të Investimeve më 3 mars të 2016 në mënyrë unanime ka lëshuar një masë të përkohshme duke rekomanduar që qeveria e Shqipërisë “të marrë të gjitha veprimet e nevojshme për të pezulluar procedurat e ekstradimit kundër dy nga paraqitësit e kërkesave emëruar në këtë rast ndaj klientëve Francesco Bechetti dhe Mauro de Renzis”. Përveç kësaj gjykata gjithashtu rekomandoi që Shqipëria të pezullojë procedurën penale themelore për palët që vijnë në një marrëveshje për ruajtjen e aseteve të paraqitjes së kërkesës për kohëzgjatjen e arbitrazhit ndaj Francesco Bechettit, Mauro de Renzis, Stefania Grigolon dhe Liliana Condomitti. Në vendin e saj gjykata ICSID u shpreh se procedura penale shqiptare dhe procedurat e ekstradimit në Angli ka shkaktuar një rrezik të pashmangshëm për aftësinë e pretenduesve për të marrë pjesë në mënyrë efektive në arbitrazhin që nuk mund të rregullohet në mënyrë adekuate nga dëmet. “Ne jemi të kënaqur që Gjykata ICSID na dha në mënyrë të shpejtë të drejtat e paditësve. Ne shikojmë përpara për një rezultat të favorshëm në thelbin e pretendimeve të tyre se Shqipëria po shkel traktatin dypalësh të investimeve”, u shpreh David W. Rivkin. Paditësit sollën në arbitrazh shkeljet e traktatit të investimeve dypalëshe Shqipëri-Itali, si rezultat i sulmeve të vazhdueshme dhe ngacmimet ndaj paraqitësit e kërkesave dhe investimet e tyre, të cilat përfshijnë një fabrikë hidroelektrike dhe dy stacione televizive, “Agon Channel” në Shqipëri dhe “Agon Channel” në Itali. Bechetti ka krijuar “Agon Channel” si stacionin e parë televiziv, i cili kishte sinjal transmetimi edhe në Europë, por u pezullua në fund të 2015 për shkak të problemeve me qeverinë Rama. Paditësit argumentuan, ndër të tjera, se Shqipëria u kundërpërgjigj kundër pohimit të të drejtave të tyre të arbitrazhit duke nisur hetimet e ndryshme abuzive dhe të pabaza tatimore dhe procedurat penale kundër paditësit dhe investimeve të tyre.
