Ish-kryebashkiaku i Ramës për Vorën, Agim Kajmaku, vazhdon të jetë në kërkim nga Policia. Askush nuk e di ku ndodhet, ndërsa ndaj tij tashmë rëndojnë disa akuza.
“Prokuroria e Rrethit Gjyqësor Tiranë, ka shpallur në kërkim me masë sigurimi “arrest në burg”, në lidhje me hetimin që zhvillohet, në ngarkim të shtetasit Agim Kajmaku, i dyshuar për kryerjen e veprave penale: Shpërdorim detyre, sipas nenit 248 te Kodit Penal; Falsifikimi i formularëve, neni 190 i Kodit Penal dhe, Ushtrim i funksioneve pas dhënies fund të detyrës, neni 249 i Kodit Penal”.
Ky është motivacioni në urdhrin e arrestit lëshuar për Agim Kajmakun.
