Nëntë oficerë policie në Belgjikë përfunduan në karantinë në qytetin Grimberg.
Rreth orës nëntë, të nëntë oficerët nisën karantinën pas një aksioni te një plantacion kanabisi në Strombeeg-Bever, raporton gazeta belge HLN.
Ata arrestuan tre shqiptarë. Por njëri u tha se sapo ishte kthyer nga Italia dhe se ishte ftohur. Kaq u desh dhe oficerët vendosën që të futen në karantinë në zyrën e komisionarit.
Shqiptarit iu bënë analizat dhe rezultoi i paprekur nga koronavirusi. Oficerët dolën nga karantina të çliruar. Tre shqiptarët janë në qeli.