16 kg heroinë nga Shqipëria u kap nga roja e financave në portin e Ankonës. Droga ishte fshehur brenda një makine që kishte zbritur nga një anije nga Durrësi.
Policia arrestoi shoferin e automjetit, një shqiptar 38-vjeçar. Lënda narkotike u zbulua të enjten, 16 janar, ndërsa lajmi u bë i ditur sot nga organet e drejtësisë italiane.
Burri nuk ishte në gjendje të jepte shpjegime për ngarkesën e madhe të drogës. Heroina, e cila do t’i nënshtrohet gjithashtu testeve laboratorike, ishte brenda automjetit, e fshehur në një ndarje të posaçme.
Hetimet nga financuesit janë duke u zhvilluar për të kuptuar se për kë ishte destinuar dhe veçanërisht nëse shqiptari kishte kontakte në Ancona, kush e priste atë dhe ku ishte destinacioni përfundimtar.
