Gjithashtu janë akorduar 10.000 USD për Shoqatën Vatra në New York, për t’u ardhur në ndihmë shqiptarëve të kërcënuar nga kjo pandemi
“Patriotët e vërtetë e tregojnë veten në kohë lufte”. Më mirë se kushdo e provon këtë shembulli i Presidentit të Eurosig-Insig, Kadri Morina, me iniciativën e drejtpërdrejtë të të cilit, në këto kohë ët trishta të shkaktuar nga Pandemia COCID – 19, kjo kolerë e kohevë moderne, Grupi Eurosig-Insig dhe UBA Bank kanë ndërmarrë një nismë për t’u qendruar pranë mbi 12 mijë familjeve shqiptare, duke shperndare ndihma ushqimore dhe higjienike nga Tropoja ne Konispol.
“Për shkak të COVID-19, Shqipëria dhe e gjithë bota po përballet me një situatë të pazakontë mjaft të vështirë. Jetët njerëzore janë seriozisht të kërcënuara nga kjo pandemi, duke i bërë ata të izolohen në shtëpitë e tyre.
Ekonomia shqiptare është tkurrur si asnjëherë më parë dhe mjaft familje shqiptare janë përballur me vështirësi ekonomike për të siguruar jetesën nga COVID-19”,-shprehet z.Morina. Ndaj dhe në këto kushte, ai bën të ditur se Grupi Eurosig-Insig dhe UBA Bank morën një vendim unik dhe ndezën motorët për të bërë atë që nuk kishte ndodhur ndonjëherë në një kohë rekord, të ndihmojnë njerëz në nevojë në të gjithë Shqipërinë.
“Në një bashkëpunim të shkëlqyer me të gjitha njësitë vendore, përhapja e këtyre ndihmave ka qenë shumë më e shpejtë se perhapja e pandemisë në të gjitha bashkitë e vendit.
Janë dërguar ndihma edhe për Shoqatën Kombëtare të Jetimëve.
Gjithashtu janë akorduar 10.000 USD për Shoqatën Vatra në New York, për t’u ardhur në ndihmë shqiptarëve të kërcënuar nga kjo pandemi.
Humanizmi i treguar nga Grupi Eurosig-Insig dhe UBA Bank ka kaluar çdo parashikim jo vetëm të publikut të gjerë, por edhe atë që kishim menduar në fillim të gjithë kësaj nisme madhështore.
Bordi drejtues ka vendosur për të gjitha sigurimet 1-vjeçare, t’u jepet 1 muaj bonus për t’u ardhur në ndihmë të gjithë klientëve të saj”,-deklaroi dje për mediat z.Kadri Morina. Ndërkohë, GRUPI u bën thirrje të gjithë klientëve të Eurosig, Insig dhe UBA Bank të na kontaktojnë për çdo problem apo shërbim që u nevojitet nga ana jonë. Jemi të gatshëm t’ua sjellim sigurimin që ju kërkohet në banesat tuaja.
“Jemi pranë jush në këto momente të vështira për të përballuar së bashku COVID-19. Qëndroni në shtëpi dhe ruani distancat jashtë shtëpisë që ta mundim së bashku këtë armik të padukshëm.
Urojmë që kjo situatë të kalojë sa më shpejt dhe shqiptarët t’i kthehen normalitetit.
Zoti i bekoftë shqiptarët!”, shprehet Zoti Morina.
