Ish-Kryeministri Sali Berisha nuk la pa përmendur faktin që Kryeministri Rama ngriti një dolli për ish-kryebashkiakun e Vlorës, Shpëtim Gjika. Në një postim të tij në Facebook, ish-kryeministri shkruan me ironi “Gëzuar Shpëtim! Se pasi të rruajta bishtin të kam xhan”.
Sipas Berishës, Rama tani do ta mbajë mirë me Shpëtim Gjikën se ka frikë se mos ky i fundit bashkohet me Agron Dukën ose Ben Blushin.
Postimi i plotë i Berishës
Rama ngre dolli për Shpëtim Gjikën:
Gëzuar Shpëtim! Se pasi të rruajta bishtin të kam xhan!
Të dashur miq, Edvin Kristaq Rama, pasi e arrestoi në kundërshtim me çdo ligj dhe akuza falso Shpëtim Gjikën, por që nuk e kalbi dot në burg siç ishte betuar, dje, në një pritje në Vlorë gajasi të pranishmit me hipokrizinë e tij servile kur tha:
‘Një dolli dhe për Shpëtim Gjikën, mikun tim problematik që nga mendja e heq, por nga zemra s’e heq dot. Gëzuar Shpëtim dhe të paçim. Shëndet dhe të tëra të mirat që të do zemra’. Me fjalë të tjera ‘aman Shpëtim mos ik me Dukën apo Blushin se ata të arrestuan?!’”.
