Drejtori i Përgjithshëm i Facebook, Mark Zuckerberg njoftoi të hënën se do të japë 100 milion dollarë për të mbështetur median. Ai dhuroi 25 milion dollarë për fondet e ndihmës së urgjencës përmes Projektit të Gazetarisë në Facebook dhe 75 milion dollarë në marketing për të mbështetur gazetarët në mes të pandemisë së koronavirusit. Fondi kryesisht do të shkojë për lajmet lokale.
Zuckemberg tha se e gjitha kjo po bëhet që qytetarët të kenë informacion sa më të saktë mbi ngjarjet.
Ai shkroi në Facebook:Si pjesë e përpjekjeve tona për të mbështetur ekosistemin e lajmeve dhe të sigurohemi që të gjithë kanë qasje në informacione të sakta dhe në kohë, ne po investojmë 100 milion dollarë për të mbështetur gazetarët, veçanërisht të përqendruar në lajmet lokale. Tani gazetarët po punojnë në kushte shumë të vështira për tëinformuar komunitetet e tyre dhe shumë organizata të lajmeve po luftojnë për shkak të ndikimit ekonomik të shpërthimit.
Facebook gjithashtu ka filluar disa nisma të tjera për të luftuar pandeminë e koronavirusit. Në fillim të këtij muaji, ajo njoftoi se do të nisë një program 100 milion dollarë i përbërë nga grante të holla dhe kredi reklamuese në përpjekje për të ndihmuar bizneset e vogla.
Po ashtu po i jep secilit punonjësi të tij një bonus prej 1.000 $ për t’i ndihmuar ata gjatë pandemisë në vazhdim.
