Corinthias vazhdon të insistojë për Didier Drogba. Ish-sulmuesi i skuadrës së Chelsea është një legjendë e futbollit ndërkombëtar, pavarësisht se tashmë ai është 38-vjeç ofertat në drejtim të tij vazhdojnë të vijnë. Për momentin, sulmuesi nga Bregu i Fildishtë është një lojtarë i lirë dhe mund të zgjedhë pa problem skuadrën e tij të ardhshme, ku mes tyre ka padiskutim edhe klube serioze që janë të gatshëm t’i ofrojnë një kontratë të mirë. Një gjë të tillë ka bërë skuadra braziliane e Corinthiasit, që i ka ofruar 38-vjeçarit një parakontratë me shumë elementë të veçantë dhe origjinalë përveç parave.
Paga që i premtohet Drogba është 120 mijë dollarë në muaj, 6 bileta avioni Business Class, vajtje-ardhje nga Brazili për në Europë. Oferta nuk mbaron me kaq, në të janë të përfshira një vilë super luksoze, një përkthyes në dispozicion të sulmuesit 24 orë në 24. Drejtuesit e klubit brazilian duket se i dinë mirë shijet e futbollistit. Drogba është i apasionuar pas automobilave me dizenjo të veçantë dhe më shumë kuaj fuqi motorike, e në fakt makina që sulmuesit do t’i ofrohet është gati-gati një autoventurë lufte. Dëshira është e madhe dhe për t’ia bërë jetën sa më komode, skuadra braziliane ka menduar për gjithçka. Kontrata është një vjeçare dhe Drogba duhet të nxitojë për të marrë një vendim.
