Pas shqetësimit të shprehur publikisht nga ambasadorja e SHBA-ve, Yuri Kim se mos ka ndonjë marrëveshje të fshehtë për të sabotuar reformën në drejtësi vjen edhe reagimi kryetarit të PD, Lulzim Basha.
Kryetari Basha ka ripostuar deklaratën e ambasadores amerikane për reformen në drejtësi, ndërsa shprehet se, ndryshimet e bëra për reformën në drejtësi nga parlamenti aktual i shërbejnë mazhorancës për të kontrollur dhe kapur politikisht sistemin.
“Çdo ndryshim kushtetues dhe ligjor në lidhje me reformën në drejtësi nga ky parlament është ilegjitim. Ndryshime të tilla u shërbejnë vetëm atyre që e përdorin pushtetin për të devijuar dhe për të minuar reformën, për të kontrolluar politikisht dhe për të kapur sistemin e drejtësisë”, komenton Basha.
