Banorët e Labinotit kanë dalë sërish në protestë për zaptimin e pronës publike dhe private, ndotjen e ajrit dhe lumin Shkumbin nga fabrika e peshkut që operon në Labinot. Banorët thonë se ndihen të kèrcënuar nga drejtuesit e biznesit dhe kanë kryer denòncime në pòlicinë e Elbasanit.
Sot janë ngritur në këmbë, pavarësisht pándemisë dhe shtimit të rasteve pozitive. Një prej pròtestuesve ka folur për Fax News duke thënë se është kèrcënuar dhe për këtë ka bërë kallëzim.
“Bashkia të na japë përgjigje me shkrim, jo sic na dha kryetari para 10 ditësh apo një jave. Ne i kemi kërkuar tokën tonë të na japë me qera, as atë nuk na e japin, atëherë ku do të shkojnë investimet tona prej 30 vitesh. Përse pylli do të prishet që ta marrë Bashkia dhe të bëjë një rrugë pa plan urbanistik. Kërcënimin e parë e kam bërë kallëzim penal në prokurori, të shohë çfarë pozicioni kanë ata persona që më kanë kërcënuar me jetë mua, i jap me emër. Ne do të vazhdojmë me protestat derisa të zgjidhet problemi, derisa kryetari i Bashkisë të japë shkresë zyrtare”, tha banori.
“Po na shtypin, po na marrin djersën e kalamajve”, thotë një tjetër pròtestues. Ata thonë se i kanë çuar shkresë kryeministrit, presidentit dhe avokatit të popullit por nuk kanë marrë një përgjigje.
