Tri skuadra angleze në ndjekje të Leonardo Bonuccit. E ardhmja e mbrojtësit të Juventusit, pas humbjes së finales së Champions League, mbetet në dilemë. Sipas mediave britanike tre janë skuadrat që janë vënë në ndjekje të mbrojtësit 30-vjeçar. Manchaster City një kandidat i hershëm dhe United i Jose Mourinho, i gatshëm për t’i besuar çelësat e repartit të prapavijës. Chelsea gjithashtu e dëshiron Bonuccin. Trajneri i “Bluve të Londrës”, Antonio Conte i njeh mirë aftësit e futbollistit për shkak se ata kanë bashkëpunuar me njëri-tjetrin gjatë kohës kur tekniku toskan ishte pjesë e Juventusit. Janë kampionët e Anglisë ata që kanë paraqitur një ofertë konkrete.
55 milionë euro për kartonin e mbrojtësit, ndërsa për lojtarin pagë vjetore prej 7 milionë eurosh në sezon, 2 më shumë nga ç’përfiton aktualisht me fanellën e bardhezinjve. Vetë Bonucci në disa raste është shprehur mëse i bindur për të vazhduar aventurën e tij në Torino, por ngjarjet e fundit, ndoshta e kanë detyruar atë të ndryshojë mendje. Ndërkohë drejtuesit e Juventusit, janë gjithnjë e më pranë firmës me sulmuesin e Sampdorias, Patrick Shick, ku pritet që deri në fund të javës të arrihet akordi mes palëve.
