Nga Elona CASLLI
Kthjellim
Nuk kam ndërmend të hedh në gjyq Bazen për dy artikujt e mi. Në dyert e gjykatës nuk kam shkelur kurrë dhe nuk kam më të voglin qëllim, të shkel për shkak të Bazes. Në kushte normale, as nuk do të merrja mundimin të shkruaja për këtë të fundit, pasi njihet botërisht kush është dhe ç’funksion kryen në mediat shqiptare.
Në një vend, ku vidhet prona, banesa, vota, vendi i punës, me pak fjalë vidhet jeta, vjedhja e një shkrimi është më e pakta që mund të të ndodhë.
Duke qenë se unë nuk e lexoj ndonjëherë “Temën” më informuan se dy shkrimet e mia, ishin botuar atje
Unë kam në dorë të refuzoj publikisht botimin e shkrimeve në atë gazetë.
Hedhja në gjyq e Bazes më duket krejt e pakuptimtë për sa kohë fjala “drejtësi” dhe fjala “liri” në shoqërinë shqiptare ekzistojnë veçse në fjalor.
Dyert e gjykatës nuk përkojnë as me vullnetin dhe as me energjinë time.
Post Scriptum- Një fakt tjetër kokëfortë që përkon me protestën e 4 qeshorit është se shkrimi im “Përdhunuesit jemi ne” lidhur mbi ngjarjen botohet nga Tema. Pra, protesta e qeverisë kundër qeverisë mbështetet edhe nga media e qeverisë.
Rroftë Partia! ✊✊✊
