Nga Telnis Skuqi
ZHDUKET PA LËNË GJURMË KRYETARI I PS
Ku kanë ngelur edhe pak muaj nga zgjedhjet parlametare të 25 prillit 2020, Partia Socialiste (PS) e Sarandës është braktisur papritur nga kryetari i kësaj force politike, Ardian Kola.
Burime konfidenciale nga dega e PS, konfirmuan se krahu i djathtë i deputetit socialist, Alket Hyseni, njëkohësisht kryetari i PS, Kola, është larguar në fshehtësi në drejtim të Londrës (Angli) familjarisht.
“Prej dy ditës PS e Sarandës ka ngelur pa kryetar”, – thotë një zyrrtar lokal i PS.
Sipas tij, Kola e ka pasur të pamundur që qëndroj në Sarandë, sepse ndaj tij ka nisur një hetim penal me akuzën “shpërdorim detyre”.
“Kemi dy ditë që po e kërkojmë. Kola nuk gjendet”, – shprehet një zyrtar i policisë lokale në kushtet e anonimitetit.
I njëjti burim saktëson se dosja hetimore i ka kaluar Gjykatës Speciale Kundër Krimit të Organizuar dhe Korrupsionit (SPAK).