Qytetarët e Vlorës, të mbështetur dhe nga opozita, kanë dalë ditën e sotme në protestë për shkak të gjendjes së mjerueshme në të cilën është katandisur vendi.
Me qindra qytetarë vlonjatë kanë bllokuar ditën e sotme rrethrrotullimin e ‘Skelës’, ndërsa në dorë mbanin pankarta ku i kërkonin kryeministrit Edi Rama që të largohet.
‘Vlora digjet Leli krihet! Demokracia është marrë peng! Protesta e vetmja gjuhë që kupton Rama! Ose ul naftën ose hap krahun!’, ishin disa nga parullat që qytetarët mbanin në duar.
