Në një reagim në facebook, gazetari Namir Lapardhaja shprehet se Erjon Veliaj është “princ i shëmtisë” dhe “mjeshtër” i manipulimit dhe nuk mund të konkurrohet me show.
Sipas tij, e vetmja mënyrë për ta çuar Veliajn përpara drejtësisë, është mbështetja e pakushtëzuar ndaj SPAK-ut.
Më poshtë postimi i plotë:
Erjon Veliajt i mjafton SPAK-u. Rëndësi ka që prokurorët të tregohen profesionist, të paanshëm dhe të patrysnuar. Mbështetja ndaj tyre, praktikisht është fundosja e vërtetë e Veliajt. Sa për ta konkurruar atë me show, ai është “princi i shëmtisë” dhe “mjeshtër” i manipulimit publik. Është aq i pakonkurrueshëm saqë edhe thirrjen në SPAK e paraqet si shkuarje me dëshirë dhe bashkëpunim me kolegët e SPAK dhe të BKH. Kështu që mos u mundoni ta konkurroni në palaçollëk. Aty jeni të humbur. Ai është futur në darën e SPAK dhe mbështetja ndaj Prokurorisë së Posaçme është kontributi më i madh që mund të jepet në këtë drejtim.
