Unaza e Madhe duket se do të rrafshojë qindra banesa në disa prej zonave të kryeqytetit. Nëse situate në zonën e Astirit vijon që të jetë e nxehtë, IKMT njofton sot prishjen e 16 banesave në zonën e Shkozës.
Me një shënim në faqen e vet në Facebook, IKMT ka njoftuar se sot do të shemben objekte me madhësi të ndryshme.
“Nisim sot një aksion të ri në Shkoze, në kuadër të projektit për ndërtimin e Unazës së Madhe, loti dy. Do të prishim 16 objekte me madhësi të ndryshme…”, njofton IKMT.
Ndërkohë që në zonën e Astirit kanë mbërritur sot katër grupe vlerësimi nga ARRSH-ja, një pjesë e të cilëve janë përzënë nga ana e banorëve.
