Saga e personave me të shkuar problematike dhe kriminale vazhdon ta shoqërojë dhe këtë herë listën e Partisë Socialiste të udhëhequr nga Edi Rama. Megjithëse po shkon drejt një procesi farsë, sërish ai nuk heq dorë nga persona me të shkuar kriminale. Edhe në mbledhjen e ditës së dielë u evidentuan 27 prej tyre, ndërkohë që portali “Lapsi.al” ka publikuar emrat e shtatë kandidatëve, dy prej të cilëve aktualisht deputetë të Kuvendit. Pjerin Ndreu i dyti, në listën e Lezhës i arrestuar në vitin 2004 për “keqpërdorim të thirrjeve telefonike” ose ndryshe kërcënim ose shtantazh nëpërmjet telefonit. Ndreu ishte dhe protagonist në goditjen ndaj deputetit Gent Strazimiri, duke treguar devotshmërinë e tij ndaj shokut të armëve Arben Ndoka. Por duhet theksuar se, këta janë vetëm ata persona, të cilët kanë deklaruar problemet e tyre në formular, ndërkohë që besohet se listat e të gjitha partive janë mbushur me kandidatë të tillë, por që KQZ s’ka marrë mundimin t’i verifikojë siç kërkon ligji. Ismet Beqiraj: Në Fier, i katërti në listën e PS. Në formularin e dekriminalizimit ai shënon se është ndaluar nga policia më 26 maj 1996, ditën e zgjedhjeve të përgjithshme. Ka qëndruar për 24 orë në Ballsh, por ndaj tij nuk ka filluar procedimi. Është ndaluar nga Policia e Ballshit edhe në shkurt 1997 sërish për verifikim. Alban Ramohitaj: Në Durrës, i 10-ti në listën e PS. Në vitin 2004, Gjykata e Durrësit e ka dënuar me 2 muaj burg ose 18 muaj me kusht për vjedhje të energjisë elektrike. Në vitin 2008 ka qenë nën hetim nga Gjykata e Pavias, në Itali, pasi u kap me një patentë shqiptare të pavlefshme. Ramohitaj shënon se ka bërë marrëveshje me drejtësinë italiane, duke pranuar fajin. Granit Kërxhalliu: Është i 29-ti në listën e kandidatëve të PS në Tiranë. Ai është akuzuar nga Prokuroria më 25 shtator 2012, për pengim të ekzekutimit të vendimeve të gjykatës. Gjykata e Tiranës e ka dënuar me detyrim paraqitje, ndërsa Apeli e ka pushuar çështjen. Ardit Konomi: Në Korçë është i 7-ti. Ai ka shënuar në formularin e dekriminalizimit një procedim për shkelje “Të rregullave të qarkullimit rrugor”. Kjo çështje ai thotë se është pushuar më 30 dhjetor ’97. Myzafer Bushaj: Në Shkodër, është i 10-ti në listë. Rezulton i ndaluar në periudhën 21-24 shtator të vitit 2009 pas një aksidenti rrugor. Gjykata e ka shpallur të pafajshëm. Pjerin Ndreu: I dyti në Lezhë. Ai është deputet aktualisht. Rezulton i arrestuar në shtator 2004 nga policia për përdorim me keqdashje të thirrjeve telefonike. Por është shpallur i pafajshëm. Spartak Braho: Është i 19-ti në listën e PS për Tiranën. Në formular ka shënuar se është dënuar më 22 dhjetor 1995 me 10 mijë lekë të reja gjobë për shpifje.
Kryesore
Continue to the categoryLulzim Basha uron SHBA për Ditën e Pavarësisë: Mirënjoje për ndihmën...
Kryetari i Demokratëve Euroatlantik, Lulzim Basha, ka uruar pavarësinë e Shteteve të Bashkuara të Amerikës, që sipas tij shënoi një nga ngjarjet më domethënëse...