Së fundmi, KLGJ dhe KLP, certifikuan edhe zyrtarisht nëpërmjet njoftimeve publike, se ndaj gjyqtarëve të GJKKO dhe prokurorëve të SPAK po ushtrohen presione dhe shantazhe edhe nga persona publikë, (Politikanë), si dhe segmente të medies për dosjet e nxehta që po hetojnë.
“Po nuk u blenë, ti shantazhojmë”
Po heton Ilir Metën/ Kush dhe pse po gërmon duke mbledhur informacion,
Publiku nuk di gjithçka që ndodh prapa skene me drejtësinë e re dhe veçanërisht, me prokurorët e SPAK dhe Gjyqtarët e GJKKO. Personat që ata po hetojnë si pjesë e krimit të organizuar dhe eksponentë nga politika e lartë e tranzicionit korruptiv, për mbi 30 vite e kanë pasur në xhep drejtësinë. Sot që rrezikojnë jo vetëm burgun, por edhe sekuestrimin e pasurisë marramendëse që kanë vënë duke grabitur shqiptarët nëpërmjet pushtetit që ata u dhanë me bujari, po tentojnë me të gjitha mënyrat për të shpëtuar veten, familjarët, bashkëpunëtorët dhe plaçkën e vjedhur këto 3 dekada, e cila shkon disa dhjetra miliard euro. Alarmi i fundit që ngriti KLGJ dhe KLP, u ndërlidh më së shumti me fushatën e paprecedentë të kohëve të fundit të Sali Berishës, (Pas masave të sigurisë), kundër SPAK dhe gjyqtarëve që kanë në dorë çështjen e tij dhe të dhëndrit Jamarbër Malltezi, por kreu i Rithemelimit nuk është i vetmi “peshk i madh” që ka llogari të hapura me drejtësinë e re.
Edhe pse bën publikisht sikur nuk ndërhyn, Edi Rama, nga ana tjetër bën nën rogoz të njëjtën gjë. Kujtojmë veç të tjerave përplasjen e dëshpëruar të tij me SHBA, (Ambasadoren Yuri Kim), për të marrë nën kontroll drejtimin e SPAK, duke synuar të vendos drejtues prokurorin e Ilir Beqajt dhe sabotuar zgjedhjen e Altin Dumanit.
Gjithashtu edhe ish-kryeministri dhe ish- presidenti, Ilir Meta, po hetohet për dy çështje të nxehta, (CEZ-DIA dhe lobimi me para të dyshimta), dhe pavarësisht se është paraqitur në SPAK sa herë që është thirrur, në mënyrën më “mafioze” u ka dërguar “porosi” prokurorëve që po hetojnë. Në dalje të ndryshme televizive apo me shënime në FB, Meta, pas hapjeve të hetimeve ndaj tij, ka siluruar kreun e SPAK Altin Dumani dhe i ka quajtur prokurorët “krijesa të partisë në pushtet” dhe Prokurorinë e Posaçme, biznesin më të madh të qeverisë”.
Por më 31 Tetor të këtij viti pasi mësoj se hetimet ndaj tij janë drejt përfundimit, Ilir Meta shkoj edhe më tej. Në një dalje për mediet, ai ju dërgoj një mesazh të koduar të stilit “mafioz” prokurorëve të SPAK:
Prokurorët kanë problemet e tyre, kanë familje, bashkëshortë, të afërm…
Çfarë ka dashur që të thotë me këto fjalë Ilir Meta: Që kushdo, edhe prokurorët e SPAK kanë pikat e tyre të dobëta?!
Pak ditë më parë drejtuesja e “Open Data Albania” dhe administratore e Webit, aplikacionit “#AksesDretësi”, Aranita Brahaj ka konstatuar një fakt teje interesant për prokurorin që po heton Ilir Metën, Sotir Kllapi. Ajo shkruan se në aplikacionin ku gjenden të gjitha të dhënat e hollësishme për njerëzit e drejtësisë, emri më i klikuar dhe i “investiguar” javën e fundit është pikërisht ai i prokurorit Kllapi.
“Javën e fundit prokurori Sotir Kllapi i njohur si Prokurori i SPAK për çështjen ndaj ish Kryeministrit dhe ish Presidentit Ilir Meta, ka qenë emri më i kërkuar dhe klikuar në web databazen Akses Drejtësi Regjistri i magjistrateve.
Në këtë databaze është krijuar pasaporta e Magjistratit me të dhëna dhe dokumente për Karrierën, Profilin, Nivelin e Arsimimit, integritetin, Kualifikimet, Interesat Pasurorë”, konstaton gazetarja Aranita Brahaj.
Kush po gërmon dhe po mbledh këto kohë, informacion të hollësishëm për çdo aspekt të jetës dhe profesionit të prokurorit Sotir Kllapi?!
