Shtesa natyrore e popullsisë për tremujorin e parë 2017, pasqyron një rënie me 33,6%, në krahasim me tremujorin e parë 2016. Gjatë kësaj periudhe numri i lindjeve tejkaloi me 852 numrin e vdekjeve, raportoi dje INSTAT. Në tremujorin e parë 2017, shtesa natyrore e popullsisë për 12 qarqet e Shqipërisë, regjistron normën më të lartë në Qarkun e Tiranës, ku numri i lindjeve tejkalon me 639 numrin e vdekjeve. Në qarqet Elbasan, Durrës, Dibër, Lezhë dhe Fier shtesa natyrore është pozitive. Vlera më e ulët është regjistruar në Qarkun e Korçës, ku numri i vdekjeve tejkalon me 160 numrin e lindjeve. Numri i lindjeve për tremujorin e parë 2017 rezulton 6.880 duke shënuar një rënie me 4,0%, në krahasim me tremujorin e parë 2016. Numri më i ulët i lindjeve regjistrohet në Qarkun e Gjirokastrës, 138 lindje, me një rënie prej 10,4%, në krahasim me tremujorin e parë 2016. Numri më i madh i lindjeve regjistrohet në Qarkun e Tiranës me 2.087 lindje, të cilat shënojnë rritje me 1,5%, në krahasim me tremujorin e parë 2016. Qarku i Tiranës dhe Qarku i Vlorës janë qarqet e vetme që pësuan rritje të numrit të lindjeve në tremujorin e parë 2017, krahasuar me tremujorin e parë 2016, edhe pse kjo rritje rezulton shumë e vogël. Rënien më të madhe të numrit të lindjeve gjatë kësaj periudhe e paraqet Qarku i Beratit me 14,3%. Numri i vdekjeve për tremujorin e parë 2017 rezulton 6.031, duke shënuar një rritje prej 2,6%, krahasuar me tremujorin e parë 2016. Numri më i madh i vdekjeve regjistrohet në Qarkun e Tiranës me 1.448 vdekje duke shënuar një rritje prej 6,3%, në krahasim me tremujorin e parë 2016. Numri i vdekjeve është rritur pothuajse në çdo qark në tremujorin e parë të vitit 2017 në krahasim me tremujorin e parë 2016. Rritja më e madhe është regjistruar në Qarkun e Dibrës me 7,8%. Qarku i Elbasanit shënoi rënien më të madhe të numrit të vdekjeve me 2,7%, pasuar nga Qarku i Shkodrës me 0,9%, krahasuar me tremujorin e parë 2016.
Kryesore
Continue to the categoryReagim i Partisë Demokratike lidhur me planin hetimor të Komisionit Hetimor...
Partia Demokratike, përmes sekretarit për marrëdhëniet me publikun, Edvin Kulluri, ka reaguar në lidhje me Komisionin Hetimor për sistemin TIMS. Kulluri shprehet se plani...