Titullar i padiskutueshëm te Real Madrid-i prej disa sezonesh, Keylor Navas nuk duket se do të qëndrojë edhe për shumë kohë tek “Los Blancos”. Mediat spanjolle kanë raportuar mbi mbërritjen e një portieri të ri në kryeqytetin spanjoll. Nëse Navas do të largohet nga Real-i, ndaj tij sigurisht që nuk do të mungonin kërkesat. Sipas “Diario Gol”, Liverpool-i ka lakuar emrin e portierit të kombëtares së Kosta Rikës. Duket se profili i Navas pëlqehet shumë nga trajneri Jurgen Klopp, dhe klubi i “Të Kuqve” dëshiron një përforcim të vërtetë mes shtyllave ku prej vitesh portierë të ndryshëm nuk kanë dhënë atë që pritej.
Kështu Livepool-i do të formulonte një ofertë për Real Madrid-in në merkaton e kësaj vere. Në moshën 31-vjeçare, Keylor Navas është zhvilluar te Real Madrid-i prej 3 vjet e gjysmë tashmë. Ai u rekrutua nga Real më 2014-ën pas një performance të shkëlqyer në Kupën e Botës. Me Real Madrid-in Navas ka fituar dy trofe të Ligës së Kampioneve radhazi.
