Miliarderi George Soros më 2016 investoi 238 milionë dollarë në kompani nafte e gazi, sipas evidencave financiare federale, ka bërë të ditur The Daily Caller News Foundation Investigative Group. Vlera totale e Soros Fund Management, në pronësi të familjes së tij, vlerësohet 2.7 miliardë dollarë. Ai ka 207 aksione në këtë fond me përqindje të lartë fitimi prej 33%.
Dy firma izraelite nafte, ILDC dhe San Leon Energy, në pronësi të Sorosit, kanë marrë pellgje naftëmbajtëse në Shqipëri, ku aktualisht industria e naftës është në lulëzim. Një total prej tetë kompanish nafte kanë marrë licencën për 18 blloqe, në tokë dhe det, duke përfshirë edhe Shell e Petromanas, Bankers Petroleum e Stream Oil & Gas, të dyja kanadeze, dhe firmën britanike Cairn. Ky zhvillim, i cili i zbret më poshtë në jug interesat e Shell, paksa më sipër kufirit greko-shqiptar, koncidon në rezultatet e një tenderi për licenca kërkimi e shfrytëzimi në tre pellgje në tokë në Greqinë Perëndimore.
Pellgu naftëmbajtës Arta-Preveza, i cili ka tërhequr oferta nga ELPE (Hellenic Petroleum) dhe Energean Oil & Gas, i është dhënë ELPE-s. Pellgu Etoloakarnania iu dha Energean Oil & Gas, tenderuesi i vetëm për këtë pellg, ndërsa pellgu i Peloponezit veriperëndimor iu ofrua ELPE-s, gjithashtu tenderues i vetëm. Rajoni i Janinës në Greqinë veriperëndimore, ku kryhen kërkime nga Energean Oil & Gas, ka trajta gjeologjike të ngjashme me rajonet fqinjë shqiptare. Kjo e rrit perspektivën e kërkimit të naftës në Greqi. Duke u kthyer në Shqipëri, duhet theksuar se Shell deklaroi interesimin për rajonin pas përfundimit të raundit të parë të shpimeve. Në vijim të procedurës u njoftua zbulimi i sasive të konsiderueshme të naftës dhe gazit natyror. Shell vendosi të rriste nivelin e investimeve në Shqipëri sapo u konfirmuan zbulimet, marsin e kaluar, në zonën e Beratit.
