Një dyqan celularësh që i përket një kompanie të njohur ka rënë pre e grabitësve gjatë natës, duke u gdhirë dita e djeshme. Ngjarja ka ndodhur në rrugën “Bardhyl” në kryqëzim me unazën. Inspektorë të policisë janë parë mëngjesin e djeshëm në dyqan, nga ku dukej edhe xhami i thyer. Policia e Tiranës bëri të ditur se hajdutët kanë arritur të marrin një sasi parash që kanë gjetur në sirtar. Ende nuk dihen autorët dhe shuma e vjedhur. Ndërkohë, policia nuk ka mundur ende të zbulojë dhe arrestojë grabitësit.
