Nga Sidi Hasanaj
Karl Jungu si një mendjet e ndritura të psiko-analizës, aplikonte te pacientët e tij gjatë psiko-analizës, identifikimin e Libidos.
Jung e përkufizonte Libidon si një forcë e përgjithësuar jetësore, si energjia psikike e Individit e cila furnizon me karburant qëllimet tona shpirtërore, intelektuale dhe krijuese.
Pra, Libido sipas Jungut përmbledh tërësinë e energjisë së jetës, duke përfshirë të gjitha shtytjet dhe motivimet tona.
Të shkëputemi një past nga Jung, dhe të kthehemi ta Kuvendi i Sali Berishës më 2Dhjetor dhe qendrimi i Gazment Bardhit.
Nëse për Berishën e kemi relativisht të lehtë, për të kuptuar energjinë psikike që thirri Kuvendin e 2 Dhjetorit, për Bardhin mbase duhet të ndalemi paksa më shumë.
Berisha gjithë energjinë e tij psikike dhe shpirtërore e ka fokusuar në rezistencën e tij ndaj përballjes që po ndërmerr me Nongratën e SHBA-ve, Britanisë dhe ndaj llogaridhënies para drejtësisë.
Për të bërë këtë rezistencë, atij i duhet pjesa e tretë e Libidos (sipas Jungut, jo Frojdit) që është Kreativiteti. Atijbi duhet të jetë i pushtetshëm, i fortë, faktor (de)stabiliteti, vektori kryesor i opozitës etj. Ndaj po përdor gjithë fuqinë kreative për të thithur sa më shumë pushtet.
Nga foltorja, te kuvendi ilegjitim i 8Dhjetorit 2021, te krijimi i lëvizjes Politike “Komisioni i Rithemelimit, te krijimi i grupit parlamentar paralelisht me atë të partisë demokratike e deri te beteja ligjore për vulën e PD janë përpjekje të Berishës me vetëm një qëllim:
Të përqëndrojë sa më shumë pushtet për të bërë sa më shumë rezistencë ndaj Llogaridhënies para drejtësisë dhe betejës me SHBA.
Berisha absolutisht që e ka pasur të qartë që në minutën e parë të rezistencës së tij, se Edi Ramën dhe PS-në nuk e mundte dot.
Ishte koshient se i mungonte çdo nuancë morale, çdo legjitimetet , çdo ndihmë nga faktorët ndërkombëtarë dhe se përkrahjen popullore e kishte humbur një dekadë më parë në 2013.
Por ama, Berisha e dinte që për ti bërë rezistencë Drejtësisë dhe SHBA, nuk i duhej të rrëzonte Ramën… por të bëhej garanti i tij për të qëndruar në pushtet, e si shkëmbim Rama do bëhej garanti i imunitetit të Berishës nga Drejtësia.
Kjo shpjegon se si Berisha tallet dhe përbuzë OPGJ-të duke refuzuar të marrë fletëthirrjet e gjykatave, sesi kërcënon dhe shantazhon gjykatëset e GjKKO dhe prokurorët e SPAK.
A ka një shqipëtarë tjetër që do kishte kaq shumë imunitet dhe fuqi? Askush tjetër, kushdo do ishte marrë prej rreckash dhe do ishte mbyllur në qeli, e do përballej me drejtësinë.
Humbjet spektakolare të Berishës ndaj PS, përtej çdo justifikimi, tregojnë qartazi që Berisha nuk arrin dot të marrë as gjysmën e elektoratit të PS… as gjysmën, e jo më ta mundë atë.
Por politikani Gazment Bardhi do ishte pacienti interesant për Karl Jungun dhe mënyrën e tij të psiko-analizuarit!
Kush është libido e Bardhit? Kush është tërësia e energjisë jetësore e psikike e politikanit Bardhi e cila stimulon energjinë intelektuale dhe kreative të tij?
Libido është një pjesë e rëndësishme e Individualizmit, që është procesi i integrimit të vetëdijes me të pavetëdijshmen, duke ruajtur ende individualitetin e dikujt.
Në këtë aspekt, mbase na vjen në ndihmë për pyetjet më sipër, një tjetër personalitet i politikës si Sajmir Korreshi. Kjo pasi një politikanë të madhë si Bardhi, mundet ta lexosh vetëm përmes “pavetëdijes” së dalë nga goja e një tjetër politikani të madh si Korreshi.
Mbrëmë Korreshi , si deputet i rajonit Myzeqar, u shpreh se grupi i deputetëve të Bardhit nuk do merrte pjesë te Kuvendi i 2Dhjetorit pasi struktura dhe njerëz që kanë përkrahur këta deputetë në zgjedhjet e 2021, nuk kanë marrë përfaqësi (pra pushtet) në pozicionet e Rithemelimit.
Pra Bardhi dhe deputetët e tij kërkojnë Pushtet dhe pozicione në strehën e Rithemelimit.
Kjo në fakt shpjegon edhe akrobacitë morale e politike të Bardhit sa nga kahu i PD dhe Bashës, e aa nga kahuni Rithemelimit dhe Berishës.
Mirëpo këtu fillon fundi për akrobacitë e Bardhit.
Berisha pushtetin ka Libidon e tij, ka fokusin e vetëm, për të egziston vetëm ekuacioni:
Mblidh sa më shumë pushtet, për të qënë opozita e Ramës, opozitë që nuk e rrezikon pushtetin e Ramës dhe si shpërblim do të marrësh imunitet nga Rama përballë drejtësisë.
Nga ky moment politik, Bardhi kthehet në problem dhe faktor destruktiv për Berishën, sesa faktor ndihmues. Ai më shumë i kushton pushtet Berishës, se sa i jep pushtet atij. Bardhi po identifikohet si një vrimë tjetër, e re hemoragjie pushteti për Berishën sesa gjak i ri në trupin e rithemelimit. E Berisha për “vrimat” ka treguar që gjykon si Presidenti Ruzvelt dikur:
“Kur ke një vrimë në oborrin tënd, mos e gërmo më, por fokusohu ti mbyllësh të gjitha”
Dheu e balta që Berisha do hedhë mbi Bardhin, do e mbulojë përfundimisht atë apo do jetë hemoragji fatale për Rithemelimin?
