Nga Sebastian Zonja
Të thuash të njëjtën gjë me fjalë të ndryshme nuk është ide e re. Thuajse një dekadë më parë, kreu i republikanëve Fatmir Mediu propozoi konfederatën e djathtë si bashkim të partive të vogla përpara zgjedhjeve të përgjithshme.
Sot, sërish, bashkë me disa kolegë të partive të vogla, ka të njëjtin propozim për koalicion opozitar të të vegjëlve.
Së pari, kjo logjikë ngjan si ajo e Sali Berishës që për çdo gjë thotë protesta të pandalshme që të rrëzojmë Ramën siç rrëzuam Ramiz Alinë. Berisha ka mbetur në vitin ’90. Këta në vitin 2000 kur morën kryesinë e Partive.
Së dyti, është e çuditshme se si kanë nga 30 vjet kryetar partish dhe kërkojnë sërish votën e lirë dhe demokraci kur s’e zbatojnë në partitë e tyre.
Së treti, çdo palë zgjedhje, kryeministri Edi Rama ndryshon strategji zgjedhore. Diku imiton, diku gjen diçka origjinale. Riciklimi i lëvizjeve të konsumuara politike nga opozita jo që s’e mund maxhorancën, por nuk krijon dot as frymë opozitare. Kur ndërmerr gjithnjë të njëjtën lëvizje dhe pret rezultate të ndryshme nuk ngjan politikan i zgjuar.
