Një tjetër video tregon harbimin e socialistëve në këtë kohë pandemie, ndërkohë që lideri i tyre suprem e ka mbështetur të gjithë fushatën elektorale te shpëtimi nga vaksinat, dhe ndërkohë që Komiteti i Ekspertëve i dirigjuar nga Rama vazhdon të marrë vendime që kufizojnë grumbullimet mbi 10 persona.
Në pamjet e radhës të siguruara nga FaxNeës është ministri i Rindërtimit, Arben Ahmetaj, i cili feston me militantët e rinj socialistë në një ambient të mbyllur me muzikë të lartë.
Ndërkohë që ajo që e bën edhe më të rëndë këtë video është fakti se ministrit Arben Ahmetaj, u jep porosi të pranishmëve që të bëjnë kujdes dhe të mos lejojnë qarkullimin e videove dhe fotove të sotme.
“Ju lutem kujdesuni që asnjë video apo foto e sotme të mos qarkullojë, se na rrëzon komplet diskursin që kemi për takimet e opozitës”, thuhet në mesazh.
